2011年7月26日星期二

變左論壇打手

上星期止凡將自己一篇文章放上討論區, 誰知立刻被人誤以為是打手, 即以為我是收了大行錢幫人散風吹起股價的人, 本來我跟本不在乎人家說我是否打手 (雖然這對我的文章分析有一定程度的不公), 但這件事令我感覺到論壇中有部份人投資水平不高, 只在論壇中找尋投資貼士, 放上來的文章最好說出股票號碼, 最好不要放些長篇大論的文章上來, 又怕打手設局亂放貼士。



其實對自己分析有信心, 唔需要怕打手啦, 唔好話打手, 連大行的報告都不一定要相信。好似大行出既報告我有時都會睇, 但係睇完會發覺佢地d內容係格硬黎, 我只會一笑置之。

最 好既例子, 大魔前年話匯控虧損原因係大量壞賬撥備, 即使當時很多人不同意, 認為撥備不等於虧損, 但大魔仍然吹低匯控股價, 證明在大行心目中撥備係虧損; 但到近年匯控因為撥備減少而盈利增加, 大魔又話匯控的盈利增加只是因為壞賬撥備減少所至, 同樣吹低匯控股價, 證明大行心目中減少撥備不算是真正盈利; 兩個case互相矛盾, 睇到佢地鐘意果樣就吹果樣, 有獨立分析能力的話, 只會佢有佢講, 我有我做野。

 

如果你有留意, 同一堆數字, 佢想講乜都得, 例如「今年匯控比上年減少一百億撥備」, 吹好的話: 匯控管理層比上年減撥備, 證明匯控對前景十分樂觀, 始終最了解匯控的都是其內部管理層。吹壞的話: 匯控管理層完全低估歐債危機的嚴重性, 今次減撥備本行認為係嚴重不足, 埋下一個計時炸彈。如果係增加撥備亦可以兩睇, 最後大行都只係想係適當既時間吹起或吹低個價, 幫佢自己做野, 所以都係靠自己好些。
 

不過今次事件中, 都有些真係有心睇我篇文章既人留言講返句公道話, 都算安慰。

沒有留言:

發佈留言

熱門文章