2018年8月8日星期三

工程師的身價

港鐵事件,近期傳媒死咬不放,多個火頭炮轟港鐵,cut鐵、漏水、沉降、工程延誤等,昨日幾位高層解約與提早退休,未知事件能否就此平息。




無聊看看港鐵年報了解下他們的薪酬,2017年年報列出了CEO與執行總監的薪酬,絕對令一眾打工仔流口水。CEO梁國權一年賺取1520萬元,工程總監黃唯銘賺800萬元,另外三位總經理的薪酬未有透露,估計每人大約400多萬元吧。原來這五位合計一年賺取3000多萬元。

永遠總是天外有天,這份人工,相對一些私人公司的打工皇帝,可能比上不足。打工皇帝收入可能億億聲,處於這些港鐵公司的「三煞位」也只是賺一千幾百萬元,未必值得。

這份薪酬比下絕對有餘之極,還記得我們的「中產」財爺年薪300萬元,連財爺都被比下去。還有一眾尊貴的立法會議員,10多萬一個月,相比之下,也被比下去。可能幾位都是打工仔的奮鬥故事,尤其若草根出身靠實力上位,可以相當勵志。實情如何,不太清楚。

除CEO外,其餘四位都是工程師出身,其中一位更是今屆香港工程師學會主席,想談談一些感想。正所謂「做那行、厭那行」,你問十個中下層的工程師(高層不算吧),十個都會告訴你千萬別當工程師,有子女的,都盡量不讓他們讀工程。理由很簡單,工程師不易做,而發達卻很難。

工程師,可算是一個「餓不死」,但發不了財的專業。當然也有例外,好像轉營做生意,如Otto Poon創立Atal工程公司,還有不少自立門戶的工程公司。始終,一眾打工的工程師,較難大富大貴,我們聽到不少醫生、大律師,月球人(一個月賺一百萬)、星球人(一星期賺一百萬),很難於工程師身上發生。做個普通工程師,多追求安穩養家,做個好爸爸。

既然無發圍,行內普遍追求加入政府,工程師入政府的薪酬,一進去就是Point 32,底薪為$66,945,之後年年跳Point,每個Point又年年調整(加薪),政府工程師的頂薪點為Point 44,$105,175,Point 34開始可以申請10年房屋津貼,大約再多兩萬元吧。即使不計算房津部分,不用有任何升職,只要坐到頂薪點,年薪約120萬元。

除了入政府當工程師之外,還有一個不錯的地方,就是於一些政府合約工程項目當Resident Engineer(RE),跟政府薪酬點之餘,還有無限年期的房津,再有津貼,還有約滿酬金。一個頂薪點的工程師收入可達每年180萬元,認真和味。但這些RE多是合約制,工程完成就要找別的工程再簽。

一個過百億的大工程,建橋起路,單是這些主力負責監工的工程師團隊都要好幾十人,單是出糧給這班工程師,一年都花掉一億幾千萬元,香港工程都好難便宜下去。

看到這些薪酬,感覺上工程師也不錯吧。可惜市場上絕大部分的工程師都沒有機會進入政府,或當政府工程的RE,唯有留在外面,接受無間地獄,即工程投標,價低者得,越平越中標,越做越刻薄,越做越難,越做越爛,惡性循環。

行業普遍人工與政府差一大截,顧問公司、承辦商的工程師,三四萬人工,日夜做到無停手的,彼彼皆是。是供求問題嗎?是工程公司的問題嗎?是發展商的問題嗎?是整個工程界的問題嗎?

話說回頭,政府工程師的薪酬都不及一些更高級的公務員,更不及局長、司長,若港鐵一個總經理的薪酬都比政府司長還要高的話,絕對令打工仔鼓舞,證明工程師單是打工,也可在私人市場「搵真銀」。

經常聽見打工無出色,爬career ladder無前途,要發達就要靠做生意,但做生意成功率低得可憐。爬到港鐵這些大公司的高層,成功率有多少?可能比做生意的成功率更低,能坐在其位的,其「宮心計」故事與奮鬥史絕對可以出書。

再者,政府以外始終風高浪急,如港鐵的幾名高層,數十載的努力,一出事,升到多高層都要「起身」,會否被刑事檢控仍是未知數,還有中下層的高級經理、工程師、幫辦。。。如何了結?

66 則留言:

  1. 😰 普通打工仔都係無出頭天,銀行唔係做炒房都無出頭,但炒房亦有quota 要幫公司賺到錢,壓力好大,所以都係最好幫自己做投資

    回覆刪除
    回覆
    1. 工字不出頭,打工、工程,都有個工字。

      刪除
  2. 匿名9.8.18

    學位以上工資收入中位數都是三萬左右,沒辦法啦。

    T

    回覆刪除
    回覆
    1. 應該回歸前都差不多這個數字。

      刪除
  3. 最新改左制, RSS只可拿十年房津,同政府長工睇齊

    回覆刪除
    回覆
    1. 明白,好似近期有朋友都講過。

      刪除
  4. 阿媽係女人,大學畢业都係一萬幾千人工,普通人普通能力賺普通人工。

    回覆刪除
    回覆
    1. 有時運勢也頗關鍵,一年賺下人家一世的工資,誇張得阿媽都變男人。

      刪除
    2. 咁一個月薪一百萬既人係咪又一百個人既能力﹖

      刪除
    3. 人工講供求,未必與work done成正比。

      留言時不妨留個名字,方便交流

      刪除
  5. 我都有朋友係澳門怡和(香港分公司),佢每晚都好晚收工,星期六日又返全日,都係工程師黎,常常之OT好多

    回覆刪除
    回覆
    1. 好多工程師都在過這樣的生活。

      刪除
    2. 匿名31.8.18

      怡和做, 公司係會榨到你顛, 真係Jardine

      刪除
  6. 我幾時都話在香港,最好行又無風險嘅路係讀好啲書,爭取考入政府做,一路做一路學投資與進修財商,退休後既有長糧、又有被動收入...

    回覆刪除
    回覆
    1. 政苦工唔易做吧,聽人講裏面好多賤人,廢人,無恥人,要頂到三十幾年退休,要超凡EQ

      刪除
    2. 長糧,近年入職的應該不會再有了。

      刪除
    3. 長糧的確無咗,但以我有限在政府內部工作經驗,只要你有EQ頂到啲上面嘅廢人,又入啱部門,還是相當舒服的。

      刪除
    4. 官場文化,有其一套生存之道。

      刪除
    5. 官場要學的,是先問這些工作是否屬於自己的職責,有疑問先將職責推向另一個部門再算。或者,再進一步,無疑問都照推到下莊。太極唔易學的。呵呵!

      刪除
    6. 三人兄都頗了解。

      刪除
    7. 匿名12.8.18

      難道商界又冇衰人?起碼入政府賺到work life balance。係香港,如果只得好心難生存。
      https://www.mpfinance.com/fin/columnist2.php?col=1463481147417&node=1531998415578&issue=20180719
      三才劍客

      刪除
    8. 在香港做打工仔,的確有不少衰歌。

      刪除
    9. 做政府工, 只要過左3年試用期之後, 政府供多10% MPF 俾你, 呢筆數都夠和味。

      刪除
    10. 政府工程師的確是安穩的工作。

      刪除
  7. 識人好過識字,不過總有些工作要識人又識字的
    工程唔係人人都讀倒,讀倒多條路行,幾好丫?

    回覆刪除
    回覆
    1. 有選擇,有能力,別的專業可能有一條更好走的路吧。

      刪除
  8. RSS's housing allowance is now capped to 10 years maximum for the new RSS employment contracts since 1 Aug 2018. (see the attached DEVB's RSS handbook in the link).

    關於顧問公司直接聘用駐工地人員的管理手冊

    https://www.devb.gov.hk/en/publications_and_press_releases/publications/standard_consultancy_document/management_handbook_for_direct_employment_of_resid/index.html

    回覆刪除
    回覆
    1. 多謝分享,樓上都有blog友留言提到。

      刪除
  9. 好同意工程師係好穏定, 餓唔死, 但唔會發達嘅工
    香港工程界嘅大氣候就係令每一層都有唔同嘅苦,
    少錢都一件事, 少左時間陪屋企人, 少左健康 真係咩都追唔返
    君不見十個工程師有9.5都係超長時間工作, 諗起失去左嘅(學習)機會成本真係無言.

    所以更要努力提起財商,早早跑出老鼠圈

    回覆刪除
    回覆
    1. NS兄很是感慨,你也是工程界的嗎?

      刪除
    2. 係呀~不老不青, 但已經經歷唔少痛苦時刻~
      學到嘅野係唔少, 只小朋友出世後就覺得更加要快啲跑出呢個圈, 因為小朋友嘅時間係唔等人嫁~~^^

      刪除
    3. 財務自由啦,很好的目標。

      刪除
  10. 匿名9.8.18

    止凡兄

    我都係大機構既做工程師,公司外派我番內地做業主代表。只可講今非昔比,好多大公司97-03冇請人。搞到斷晒層。又度縮,請番或者升職都同以往待遇冇得比。只可說香港正在沉淪中。
    當然另一個角度就係俾左唔少80後

    Kit

    回覆刪除
    回覆
    1. 我也有這觀察,越後入職的員工,人工越低,整個界別都在倒退中似的。

      刪除
    2. 因為政府少左基建, 就算中左標, 個價都又低, 老細無budget --> 賺少左錢, 咪要搵班新入職/中下層的engineers 睇數.....減少佢地的人工升幅/起薪點......其他行業個個都加人工, 就連譚仔亞姐都有15K 一個月, 工程, 好多中小企/3沙或以下的公司, 起薪都係得15-17K, 真心覺得好少。

      刪除
    3. 還是這句,工字不出頭。

      刪除
  11. 匿名9.8.18

    算吧啦,幾萬一個月,都少 ?
    已比入息中位數多幾倍
    Kuli

    回覆刪除
    回覆
    1. 我大概也知道什麼情況,比上不足,比下有餘。以前分享過這個故事,文章內朋友的確未能掌握實況。

      http://cpleung826.blogspot.com/2017/03/blog-post.html

      刪除
  12. 匿名9.8.18

    衹知道今期毓民特區鬧得好。香港市民

    回覆刪除
    回覆
    1. 有連結分享嗎?

      刪除
    2. 匿名10.8.18

      今期On.cc 毓民特區。香港市民

      刪除
    3. 應是這條link。

      http://hk.on.cc/hk/bkn/cnt/news/20180808/bkn-20180808200021467-0808_00822_001.html

      刪除
    4. 罵人是總是最正確, 最容易的

      學子華話齋, 香港人以前鐘意尋找卜佳, 依家就鐘意尋找仇人, 這種嗜血習性一日不改, 傳霉, 民選議員就繼續天天找人罵製造衝突, 大家都看得開心又過癮就好了?

      刪除
    5. 港人文化,要改都不容易。

      刪除
  13. Time, Cost, Quality. 還有 team work 邊有咁完美.
    加上過去10年基建大興土木, 社會又反智...

    回覆刪除
    回覆
    1. 有身邊朋友話,fast, cheap, good,總要犧牲一樣😅

      刪除
    2. 犠牲一樣已經係好好, 因為underground and civil work, 不可知的因素太多了

      刪除
    3. 同意,工程其實很複雜。

      刪除
  14. 我應該同止凡兄同年畢業,可能同一間大學添。
    當年入左工程科既中同,若以收入計,最好就係做政府個死黨,或者地鐵公司的中層。
    其次可能係去澳門果一班。
    其他? 應該一般般吧。。。

    回覆刪除
    回覆
    1. 匿名11.8.18

      上到mtr 高層 .應該年薪過千萬

      刪除
    2. 看年報,只有CEO過千萬。

      刪除
  15. 匿名11.8.18

    Ching 我有朋友做工程師,佢expect 30歲 人工過5,6 萬,再老d 年薪百萬 ,有沒可能? 佢在大公司做,不係做政府

    回覆刪除
    回覆
    1. 各人事途不同。

      留言時不妨留個名字,方便交流。

      刪除
    2. chartered 左考到入政府做engineer 的確係有呢個數.....但問題係做到呢D 位的人, 少之又少.....

      絕大部份engineers 都係搵30-40K, 係呢個人工水平封左個頂 (CAP 住左), 再突破有難度.....一個project 得幾多個PM

      刪除
    3. 在工程界,政府內外,像兩個世界似的。

      刪除
  16. 之前聽到一個打劫珠寶店2300萬的新聞分析過,
    脫手黑市大概能拿2~3成, 當佢600萬,
    之後3人分....每人得果200萬連首期都未必夠.
    CP值不高也是近年搶劫少了的原因.

    PS: 有時不是錢不值錢, 而是人力不值錢,

    回覆刪除
    回覆
    1. 看電影《樹大招風》,大概也有這個感覺。

      刪除
  17. 匿名12.8.18

    只可以說香港係一個chur爆的地方,無論邊一行都冇一倖免。鬼咩,亞洲文化將人力資源看得很低,尖酸刻薄,又做爛市,標榜自己刻苦耐勞,加上社會保障又不足。不過,世界上的貧富懸殊越來越嚴重,遲早來一次全球的無產階級鬥爭,就如馬克思思想一樣。
    三才劍客

    回覆刪除
    回覆
    1. 香港對打工仔的保障,令人感慨。

      http://cpleung826.blogspot.com/2015/01/blog-post_8.html

      刪除
  18. 匿名19.8.18

    小弟是80後政府工程師,對止凡兄的說法深表認同,大部分工程師其實都只能是打工仔,即使進入政府,其實都只是表面風光,幾多辛酸只有自己知。如果有得重頭再來,不會選擇入呢行。還是努力學習理財,盼能早一日脫離。

    回覆刪除
    回覆
    1. 政府工程師的話,再加上好好投資理財,財務自由的目標不遠矣。

      留言時不妨留個名字,方便交流。

      刪除
  19. 匿名21.8.18

    講工程師無前途的說話,作為同樣是工程界的測量感覺極度討厭。就我觀察,業界太多缺乏經驗的工程師拎住同佢哋能力不相符的薪金。不止,一個地盤往往請大量ARE但請不足測量,令有責任檢查工程圖的測量無法應付。。。測量及幫辦等前線員工是工程質素把關的第一道防線,工程師是背後的指揮者, 卻因經驗不足無法協調各部門。。。
    加上原本屬於測量旗下的SURVEY ASSISTANT 更改職銜為FIELD ASSISTANT,變相其他部門都可以借用。。。而且Survey assistant外判制度亦令許多入行的年輕人對前途失信心轉行。業界都應該檢討工程測量的待遇。。。



    聽聞直到現在跨灣大橋工程仲未委任任何RSS測量及幫辦等前線員工...大家明啦

    回覆刪除
    回覆
    1. 測量師的心聲,更不為人知。

      留言時不妨留個名字,方便交流

      刪除
    2. 匿名31.8.18

      測量師, QS/BS 都係好痛苦, 係GP (又presentable)做investment/leasing 果班叫做搵到下食, 其他都係食屎

      刪除
    3. 是同一位人兄在留言嗎?留個名字吧。

      刪除

熱門文章