2017年9月3日星期日

有一種辛苦叫會計師

在youtube看到《視點31》的一個節目《有一種辛苦叫會計師》,只是短短幾分鐘的影片,但看完後感慨萬分。



事源有位會計師把行業的辛酸寫成網絡文章,引來不少人的關注。主角阿樹不願意出鏡,但也替節目做了訪問,把非人生活分享。

阿樹在四大會計師樓工作,工作高峰期間每晚零晨四點收工,翌日早上九點上班,這主要關係到工作量與人手問題。

他指正常需要四個人去做的工作,不久後會變成三個人去做,今年再變為由兩個人負責去完成。這安排根本不合理,除了員工的工作量大大加重,不停加班之外,還犠牲了質素。

阿樹舉例,核數時作為會計師有需要去大陸的一些地方以驗證數字的真偽,但根本就沒有人手時間容許這樣做,唯有不去,核數時就假設一些風險不高的地方不會出事就算了,算是「將貨就價」。

不少在會計師樓工作的會計師認為連於午飯時出街食飯都是罪過,為把握時間,普遍會買飯盒回公司,草草把飯盒「倒進」口中便算,趕快繼續工作,日日如是,這當然換來身體不適,胃痛是平常事。

會計師也不一定在四大會計師樓工作,另一個出路是到公司當會計。影片中訪問了一位廠商的財務總監,他就是從會計師樓轉工的,剛巧前兩篇文章就記錄了一次與會計出身的財務總監飯局,見《與CFO對話》。

令這位財務總監轉工的觸發點是有一次放工時感到視力模糊,覺得自己因工作搞到身體有事,令他反思自己由二十多歲到四十多歲,二十年的人生黃金時間,是否值得付出到這樣的公司處呢?整個生活都沒有了,不值。

他認為錢是賺不完的,建議年青的會計師也好好想清楚。今天他假日也很享受生活,在影片中看到他到狗場玩樂,找回自己的生活。

外國也有規模頗大的會計師樓,但它們的員工都可以準時收工,沒有壓榨員工,這是否賺不了錢呢?它們的業績又不見得有太大問題,香港會計界發生什麼事情呢?

其實,這不單止發生在會計行業,我身處的工程界亦如是。工程界中有顧問行,主要替工程作設計及監工,性質與會計師樓很相似。由於工程界招標採用價低者得形式,不少工程顧問行業已經走進了惡性循環的地步。

工程顧問公司投標,出高價很難中標,不中標的話,連養人開飯都成問題,自然要以低價投標,但中標後不夠價做,唯有又出現如會計師樓的現象,即四個人做的工作慢慢變成兩個人做,甚至一個人做,加班無補薪也是常態。

還記得差不多十年前,我還在一家工程顧問行工作,當時在一些工程項目出設計標書前值,每晚都加班,因為工作得太夜,連巴士、港鐵收車,於是晚晚都要乘的士回家,週六日更要把工作帶回家,工作壓力非常。

最慘的是工程界的回報並沒有投行般高薪厚職,但工作壓力與工時,實在有過之而無不及。行內不少前輩都不希望子女加入工程界,捱得過份會捱壞身子,賺來都不夠睇醫生,都幾悲。

有時候,工作越辛苦,壓力越大,越能迫你加快財務自由計劃,是好是壞呢?實在很難說。


http://www.youtube.com/watch?v=tOPKaKM9-84&list=PL2FflE5xSM4SB9vazF_dcYmop-HiucsPD

71 則留言:

  1. 幸好我們由自由一千萬禪師, 勁贏投資人Blog 文中領略到這個系統的重要性, 才有望脫離呢D行業不公義, 無償加班, 日日免費加班... 如果果幾大繼續剝削D做野既核數師, 如果最後攪出人命, 到時唔好怪我呢D小股東無情~~向持股公司股東大會時動議或施壓, 唔好再比呢D事務所核數

    回覆刪除
    回覆
    1. 工程界早已經搞出人命了,工作壓力的確不能少看。

      刪除
    2. 近年好多因工作壓力大, 而自殺的人好多都係工程/金融相關的....

      刪除
    3. 久不久會有一單,令人心酸,打份工而已,不用賠命。

      刪除
  2. 睇到呢d新聞,更加顯得財自的重要性
    慶幸自己一早已開始

    回覆刪除
  3. 平日工作中每當遇上不如意不開心的人與事,都會更加堅定自己需要財務自由的意志,更努力地去實行。

    另外剛見到視點31岩岩有播出關於新一代的理財觀,其實生活與理想未必一定兩者只能取其一,只要能建立一套長遠可持續運行的理財模型也能兼顧平衡維持生活與實現夢想的需要。

    https://www.youtube.com/watch?v=TlhRHTBGvjs

    回覆刪除
    回覆
    1. 立即看看先,多謝分享。

      刪除
  4. 以前我也曾是四大审计师一份子,当中日子辛苦和煎熬无须讲出来也免得拿出来作比较~
    庆幸的是同事和工作环境气氛都不错,还能愉快工作
    最重要的是还有得选择:辞职离开
    不为生活与金钱压迫而勉强留下也算是一种好事吧

    回覆刪除
    回覆
    1. 我聽過會計界的形容,Big4有如少林寺,曾經做過便可以了,做足一世會死人的。

      刪除
  5. 謝謝分享。近十几廿年,好似行行都做死人咁係咪做政府工相对較安全?😲

    回覆刪除
    回覆
    1. 資本主義的意義嘛,越做越難做,肥上瘦下。

      刪除
  6. 如果打工仔會好像外國人不會無償加班,那麼就不會出現那些不可能達成的價底標書,就不會減少人手到不合理水平,每人的工作量得到平均分攤

    回覆刪除
    回覆
    1. 香港對勞工的保障可算是全球數一數二的差,加上外國本身的福利很不錯,早已沒有期望。

      刪除
    2. 香港的勞工法例仲係停留在70年代......那些條款其實同第3世界國家差不多.....
      人地菲律賓夠落後同埋窮, 佢地的勞工法例, 好似最少要俾18日做Annual leave (因為當地好多工都係返6日全日), 同埋OT 係一定要補水....(如果以朝9晚6計, OT 起鐘係7點打後就一定要俾OT 錢)......加上公眾假期好似又多過香港...(雖然只係多1日)..............所以我贊成標準工時, 香港好多僱主就會話生意難做, 所以工時要長才做得住...........(因為利潤率差左), 其實香港咁多貧富懸殊, 好多時都係D 老細做成的......你賺少D, 其實都已經可以幫到不少基層市民的生活。

      刪除
    3. 有些不是老闆,而是公司高層,也是打工仔出身,看見不少這類人,一上位,就變成壓榨下層的一員。

      刪除
  7. 小弟幾年前就是從"四大地獄"逃走出來, 當時以為逃到做公司當會計就可以早一點收工, 後來發現好多公司會計都是跟小弟一樣由"四大地獄"逃走出來, 不過早出來的人早已佔據了公司會計部的高層, 更把這種遲收工文化帶進公司, 他們覚得準時收工就等如很清閒。

    記得當年面試一家公司的會計員時, 面試官問我為什麼不做四大而跑去公司當會計員, 我說我身体受不了, 想選一家早一點下班的公司工作, 結果面試官笑了一下, 說: "年青人吃點苦也不行!" 當時我心想就算你請我, 我也不會來做。可能這班會計高層奴性太深, 不過這亦是我想財務自由然後盡早脫離的動力之一。

    回覆刪除
    回覆
    1. 斗滿兄所言甚是. 奴性重, 並強加於下屬身上乃係不知所謂.
      建議班友仔睇下"Chasing Daylight: How My Forthcoming Death Transformed My Life"

      刪除
    2. 有時候,高層身處其位,要跑業績,也身不由己。曾經有高層分享,對別人人慈,就是對自己殘忍,相信不少高管心中也有這一套。

      刪除
  8. 做BIG 4簡直係無必要咁做, 小子當年見到的所謂上司, 做到PK 仲要浪費時間搞埋D小圈子政治野, 浪費自己生命.
    是以小子極度不建議青年人入會計這個行業
    AI 取代是為第一樣, 第二係做10年AUDIT 都係學唔到野的
    Companies Ordinance 其實睇下書都自己學到, 日夜COPY 上年WORKING 根本係絕無意義
    同埋會計佬的眼光只係慳慳慳, 沒有開源的心態, 離財自只會愈來愈遠.
    同埋會感染到奴性, 唔敢請假, 唔敢SAY NO, 變得唯唯諾諾, 迷失自我

    回覆刪除
    回覆
    1. 看來小子兄感受很深啊! 小弟真的覚得不能認同得更多! 現在的审計行業真的有點不知所謂, 所謂的partner 不停地在轉牛角尖, 每天都以想一些刁鑽得來但又不會降低审計風險的問題出來Q 人。

      "會計佬的眼光只係慳慳慳, 沒有開源的心態" --> 非常認同, 所以現在四大都是斗減價搶生意, 同時又要增加hourly rate, 變相book 少左人, 惡性循環!

      刪除
    2. 止凡兄, 我睇完呢套片之後, 其實我係度諗, 不如港台都拍一套, 講下"有一種辛苦叫工程師", 訪問下那些在顧問行, SUB仔, 大判的PM/senior engineer, 記錄下佢地的生活, 最好訪問下D 工人收糧的糧期準不準時等......不好只係做埋D 築動愛的膠劇, 講到做地盤/工程/建築咁美好......., 以正視聽.....

      刪除
    3. BIG 4 洗腦工程甚為成功 XD 大學生都為之趨之若鶩

      可幸快活兄同斗滿兄已經已不受大眾看法的束縛!

      刪除
    4. 「會計佬的眼光只係慳慳慳,沒有開源的心態」,這句話若是真的,套用到股票投資時,會計出身的思維就較難買入增長股,較容易選中成本效率高的股票,我們可以觀察看看這是否成立。

      正如文章中提及,工程行業也很難過。

      刪除
  9. 「工作越辛苦,壓力越大,越能迫你加快財務自由計劃」

    我不同意,依我所觀察,工作越辛苦,人越冇精神時間動力去尋找工作以外的出路。去到咁上下年紀,又結婚生仔,之後的路就set死了。財務自由?下世先諗啦。

    回覆刪除
    回覆
    1. 我指是有動力去做,現實中是否做到?有否能力做到?有沒有方法?又是另一回事。

      刪除
    2. 就是太辛苦太累,何來動力?

      所謂迫出來的想法,>90%在腦海飄過然後繼續埋首苦幹,或者說這些機會不是屬於我的。

      刪除
    3. 同意一些壓力的確可以激起離開跑老鼠圈的想法,但若每天朝9朝5的話,肉體上根本不能支撐一邊上班一邊追尋財務自由。Even though 會計師不用再進修財表知識,要避開老千股倒是另一種 skill set了!

      自己的職業跟會計類似,雖說工時未至於朝9朝5,但早兩年縱有想法根本抽身不暇去實現計畫追尋財自,直至今年換了一個比較輕鬆的位置⋯ 但現在倒過來又開始擔心不努力的話就會被裁了,是奴性使然還是居安思危?

      刪除
    4. 有計劃與實踐財務自由,甚至已經達至財務自由的,始終是少數,普遍人都能輕易做到的話,這裡就無意思隔三兩天就分享研討了,哈哈。

      刪除
  10. 小弟也是屬於工程有關的製造業,趕交期已經是一種長態了.試問有多少體力和精神長期這樣拖下去?
    所以更加堅定了小弟朝向財務自由的決心!

    回覆刪除
    回覆
    1. 工程界的工作壓力與工作量的確嚴重,難得做到生活平衡者,實在萬幸。

      刪除
    2. 所以我成日叫D 師弟師妹, 除非你入到業主/2電1鐵/EMSD 度做grad E, 否則建議轉行......

      刪除
    3. 工程界也有綠州,哈哈。

      刪除
  11. 有一種悲哀叫IT, 經濟困難時, 先向IT開刀是常識吧!
    (但沒辦法,香港是最沒有勞工法例保障的地方, 二來政府更帶頭將IT大部分開發轉為合約制

    回覆刪除
    回覆
    1. 不過如果把打工視為你財務自由的過程,就總能堅持向目標進發;若能當你的工作從中變成自己的事業或興趣,你將會漸漸變得輕鬆;如果再慢慢在工作和生活取得平衡,你將會更快樂地達至財務自由!

      刪除
    2. 記得匯控早年大裁員,開刀的多是IT部門。

      有目標,有計劃,平衡生活,已經有很不錯的人生。

      刪除
    3. 幸好我當年選擇不去做返呢間公司的IT.....(個人興趣不大+寫CODE 能力麻麻)
      如果佢俾return offer 都不會入去, 呢間野成日炒人....

      刪除
    4. 你不是做工程嗎?又可以做IT?

      刪除
    5. placement intern only...........其實好想搵一班想一齊轉行的人一齊搵工, 咁樣大家都會比較有動力去完成任務.....例如KEN/scarlet 等....

      刪除
    6. 嘩,拉隊轉行?似在搞革命,哈哈。

      刪除
  12. 做邊行唔辛苦?無被裁危機?
    最舒服反而是投資,同耕田一樣,只要方向正確,然後就等收成,唯一難度是每月都存錢去投資。

    回覆刪除
    回覆
    1. 打工的,總有些身不由己,只是犠牲的多寡,找到平衡點會開心好多。

      刪除
  13. http://www.mpfinance.com/fin/instantp2.php?node=1504498847148&issue=20170904
    愉景灣剛錄大額租賃成交。中原豪宅高級區域營業董事李偉寧指,愉景灣海蜂徑單號屋,實用面積2403方呎,4房雙套間隔,連約1600平方呎花園及平台,享海景。以10萬元租出,實用呎租41.6元。

    李指,新租客為機師,鍾情愉景灣有較多外籍人士聚居,附近亦有國際學校。原業主於1999年以1138萬元買入,持貨18年,租金回報10.5厘。
    ——————————————————
    如果每個月儲到10萬,10年後是1200萬。

    回覆刪除
    回覆
    1. 即使是機師,除非有特別住房津貼,否則這10萬元的租金看來都不輕鬆,這樣的回報計算,就好像之前一篇文章的概念。

      http://cpleung826.blogspot.hk/2017/06/20.html

      刪除
    2. 應該有用住房津貼。
      作為雇主,住房津貼不失為減少僱員薪俸稅負擔的做法。
      但不要忘記住房津貼在雇主眼中也是開支一種,雇主俾左住房津貼後,人工便少左。
      如果要早點財務自由,我就寧願雇主俾多D人工,交多D稅,然後可以節省租金開支,儲多D錢。

      刪除
    3. 這個人工,稅階超過15%,真正落袋的話會少一兩成,公司付租金會慳一兩成稅,即租貴一點的屋。不過,當然如果有目標儲蓄多一點,作投資操作,自然寧願錢在自己手更好吧。

      刪除
    4. 先買樓收租,讓租客替自己供樓,再用房津租屋住?

      刪除
    5. 這也是一個方法,不過如果做公營機構甚至政府公務員就要小心一點。

      刪除
  14. 我敢說這是香港人的特性,溫水煮蛙,唔識say no,做就近乎被虐狂的文化。在外國,中國,工人都不會長期無限加班的。

    回覆刪除
    回覆
    1. 同意, 正如小弟曾經去過菲律賓工作, 在那裡做地盤的工人/雜工, 佢地公司的文化好好, 返工就每日朝8晚6, 午餐食1.5小時, 早上做到10點, 有半個鐘小息, 下午就有45分鐘小息(連下午茶), 每周工作6天。以電工黎講, 大工計, 一日大約300蚊港紙, OT 就斷鐘計, 星期日開工當雙工, 平日夜晚要OT 的話就1.5倍時薪計算.....630打後已經可以起錶計錢..................

      我爸爸以前做裝修判頭, 佢從來不會壓窄員工/下面班師傅(只要交到貨就得), 仲成日同埋D 師傅一齊做, OT 又計足錢俾伙記.........所以佢賺不到大錢。

      可能我爸係"藝術家"性格, 佢好少做那些比較"standard"/簡單的油漆/牆紙工程, 因為做呢D JOB, 好多時都會好趕......他從不鍾意chur 自己去做野, 要合理工時, 寧願遲點做完, 交95分UP的貨都不願意hea交貨, 同埋佢預"工期"會比較鬆手, 經常會把不夠人/要俾員工有中途休息的時間計算在內, 所以佢報親價就成日俾D 大判公司話佢"貴" (佢會預好多buffer 俾自己), 所以結果在他臨退休果陣, 他都比較經常不夠工程做...........一年有一半時間都係屋企度休息........因為其他判頭報的價其實好多都係蝕住做/賺幅好細好細, 所以佢寧願不接黎做?

      但我發現, 在E&M 界入面, 好多公司都係賤價接JOB......到無水果陣, 不夠錢請人就要員工硬食OT, 同做AUDIT 好似!

      我覺得要在E&M 界入面搵一間好似我爸咁樣的"企業管治"形式, 其實好難......可能E&M 無裝修咁好搵.......

      刪除
    2. 要搵一間engine firm 要match 我爸那種企業管治的文化的, 現實中好難.....

      刪除
    3. 工程界中有更多公開秘密,與你爭標的公司不一定有心「埋job」,可能只是養人,拿中標書去銀行借錢養自己,到工程收尾時就關門大吉。對於無心完成工程的公司,跟他們鬥低價是不太可能的,當然,這類公司沒有好的track record,要接大工程就難一點。

      刪除
    4. 最近好似有間工程公司破產......(朋友做律師的), 搞緊清盤, 但不肯定邊個行頭.....

      刪除
    5. 工程公司破產其實不算新聞,有不少更是「技術性破產」,是該公司老闆一早預計好的。不過如果你所指的是超大型跨國公司,這就算是工程界大新聞了。

      刪除
    6. 投標基本上就是價格競爭,95分和60分的質素也會被歸類成"及格",做多了只是白花力氣和金錢不會有人欣賞,及格的門檻也通常不會太高,免得被懷疑在"挷標",最後就是在剩下的一大班及格者之中選一個報價最低的。看報價的時候,有時心中也會想中標那家肯定又是將貨就價之輩吧,不過為免瓜田李下或被請去喝架啡,還是少點干預,乖乖按程序辦事算了。Chun To兄請恕我直言,你的父親大概是投錯標,報錯價吧。

      其實還有另一種裝修公司,在選擇先上電視做節目(其實很可能是貼錢賣廣告)展示作品,然後在灣仔或土瓜灣開個店面,等魚兒自己游過來。藝術和工程其實可說是兩個不同的市場,既然選擇踏上工程投標之道,也得好好調整營運方式,免得資源錯配,白白浪費了自身能創做的價值吧。

      刪除
    7. 其實我父親已退休..........他話而家肯俾錢做靚工程的業主好少, 大部份的生意人都只係想快/平, 交到60分的貨就算, 他的競爭對手, 成日低價搶野做, 但又想賺錢, 結果就交D 40分或以下的貨, 成日俾業主投訴......偷雞唔到蝕渣米.........但他交的貨就永無俾人投訴, 機乎100%的客都話佢好/掂, 手工靚, 而家退左休, 有D 伙記/業主都話搵唔返我父親果種對工作quality 高, 又認真的判頭做野, 大部份都係中工的料充大工, 收費又貴, 做又做得差, 又吞POK..........

      我終於明白, 為何三行/地盤咁缺人了.....

      刪除
  15. "工作越辛苦,壓力越大,越能迫你加快財務自由計劃"
    絕對同意

    回覆刪除
    回覆
    1. 路是人走出來的,有時更是「迫」出來的。

      刪除
  16. 想必電台很可能會找止凡大大在知名財經blogger採訪之後
    接著以前工程界人士的『有一種辛苦叫會計師』吧
    呵呵

    回覆刪除
    回覆
    1. 不是太明白你的意思。

      刪除
    2. 噢 是『有一種辛苦叫工程師』和『知名財經blogger』同時採訪呢

      刪除
    3. 噢,大概明白你的意思了。

      留言時不妨留個名字,方便交流。

      刪除
    4. 如果有呢D 訪問, 我都想去講下工作的經歷/心得.......同埋講下行內出左邊D 問題而令整個工作氣氛不好。

      刪除
    5. 一般都會訪問行內高人,內容多會是一遍美好前景。

      刪除
    6. 最慘係工程界成日都係價低者得, 所以待遇難以提升.....反而金融就係你要諗點樣去令單DEAL 高價上市........咁就可以分到多D bonus.........而且IPO 定價呢D 又無價低者得呢種機制, 又不會好似做工程咁要open tender.....有network 其實都夠做..........that's the difference and explain why engineer cannot make big money.

      刪除
    7. 看來這是行業性質影響行內人的收入,很有趣的角度。

      刪除
    8. 要改善待遇就應該從人工着手, 例如迫D 私人機構跟政府POINT 咁樣出人工 (工程師/QS最低工資), 在醫護界裡, 出面NGO 請物理治療師/職業治療師, 佢地一般都不會偏離政府個MPS 太遠, 否則請不到人, 無人肯做.............. 護士都係咁.....

      同埋政府自己內部應該要計返個internal cost, 呢個internal cost 不應該少過某水平..........

      刪除
    9. 人工很多時基於供求,迫也迫不來。

      刪除
  17. 做housing job tender 計分果度都ON99 啦, 價錢佔70%, performance/competenency 只係佔少於20%, 言下之意, 即係做爛市就可以有野做......咁不如貼錢打工好唔好.........

    要改善工程界的環境, 其實係需要從投標制度開始着手, 同埋政府的公務工程, 最好取消外判制, 由政府engineers 負責design & build........外邊D 收銀就只係做私人JOB, 咁樣有一部份engineers 的人工加左, 咁私人市場自然都要出高D 人工去留人......咁先係良性競爭.........同埋取消max gross profit margin 呢D 咁的濕九要求...(機管局JOB 係咁玩, ON99).........我好少聽到其他sector 的JOB 係咁......PR/marketing 都唔係價低者得。

    回覆刪除
    回覆
    1. 你對報job都頗有研究,多謝分享。

      刪除
    2. 算係咁啦......但最近其實小弟都有些心煩, 就係前路問題......

      刪除