止凡著作

跟著價值走
的12堂課


財經類
2017年5月初版




財富未來


財經類
2016年4月初版




財商有價


財經類
2015年7月初版




積財有技


財經類
2015年2月初版




取之有道


財經類
2014年10月初版




永不當田雞


哲學類
2006年3月初版

2017年7月27日星期四

股樓災

看著近日股市一路路升上27000點,暫時自己的財務操作動也不動,讓子彈飛一會兒吧。樓市就更不用說,升到變成社會問題了。面對這樣的市況,讓自己冷靜,最好看看股樓災的「紀錄片」。



在youtube找來三段影片,是圍繞97年樓市大跌與98年金融風暴前後的電視節目。先來第一條是《星期日檔案》於1997年5月所播出的「炒風下」。


http://www.youtube.com/watch?v=BcGAJOKBmAM&list=PL2FflE5xSM4SB9vazF_dcYmop-HiucsPD

當時正值金融風暴來臨前值,樓市於同年10月份左右大跌,節目播出時為5月份,可想而知當時大家的炒風有多熱。其實回歸前的經濟非常好,大家不只炒樓、炒股,更炒其他商品。

節目中,由炒郵票開始,當時有位小朋友受訪問,他也排長龍認購郵票,同一日就拿到商場去炒,家長也認為兒子因為炒郵票而影響學業。全城因為炒郵票,令到一個寂靜的商場熱鬧起來,因為6月30日之後不會再有殖民地郵費,不少家庭主婦排隊10小時只為賺100元。

之後,節目訪問一些炒「他媽哥池」電子遊戲機的人,大家還記得這個名字嗎?原來當年排隊人龍需要調派警員維持秩序,認真誇張。

必不可少的一定是炒樓吧,原本睇相睇風水的一位受訪者,他認為賺到錢才算成功,於是轉行做全職物業炒家,更帶一班徒弟一起炒。他的哲學是最重要上車上得快,盡快買到第一層樓。

不只今天,原來當年社會已經有人批評炒樓炒股令社會風氣不好,有人指連教師都不懂教學生的價值觀,因為學生眼見媽媽打幾個電話落盤就能賺錢,認為不用勤力讀書或做好工作,炒賣才是成功之路。

訪問中有一些中產人士夫婦節衣縮食為求安居,租樓又被迫經常搬屋,亦覺得儲錢速度不及樓價上升速度,抱怨炒家將樓價炒高,大學畢業生對買樓無望。其實,這一切現象都與今天很相似,循環也。


大股災大概於1997年10月發生,當時一集新聞透視就請來幾位專家深入討論當時情況。


http://www.youtube.com/watch?v=rMqSJaxgMUI&list=PL2FflE5xSM4SB9vazF_dcYmop-HiucsPD

當時正在大跌市的風眼中,大市已經連跌四日。一天內,藍籌股平均下跌一成,紅籌股平均跌超過兩成,政府對股市大跌大為緊張。

訪問播出了好幾位官員出來講話,包括曾蔭權、任志剛、許仕仁、董建華,主要擔心的重點不似是股市,而是更高一層次,包括聯繫匯率、銀行體系、金融系統崩潰。因為當時怕有人拋空港元,銀行缺港元需要大幅加息以穩定匯率。

節目訪問了好幾位財經專家、學者,大家看看都會感受到當時的氣氛。


金融風暴發生後,無線電視的《星期二檔案》於1998年2月份播出「炒風後」,節目中有不少主角都是於「炒風中」曾被訪問過的,於爆煲前後了解他們的心情,作了強烈的對比。


http://www.youtube.com/watch?v=4tsMRFxlRLg&list=PL2FflE5xSM4SB9vazF_dcYmop-HiucsPD

數月前的那位風水師,記得他認為自己命理於物業投資會成功,在97年樓市高峰期試過擁有三十多個單位,到再次被訪問時,他有十多個單位仍賣不出。金融風暴後再被訪問,他表示雖然樓市低迷,但低價有低價的炒法。

例如,他於幾年前以幾百萬元買入的一個單位,曾經在高價時值2400萬元,如今跌至1600萬元,若能賣出,仍可套現大約1000萬元,以這1000萬元再換入三個值1500萬元的單位,付一成首期,六個月交吉期,可繼續整大個餅博反彈,估計隨時可以升幾百萬元。當時記者都問:「如果不升如何?再進一步下跌又如何?」,他指:「這就要考眼光了?」。

當年樓市大跌之後,原來曾經出現有人「儲錢賣樓」的情況,因為當時買家出價連屬契的金額都不夠,即「負資產」,於是不少業主長痛不如短痛,儲夠錢也要把樓賣出去,不想繼續供樓。有些業主就會與銀行傾延長還款,以減低每月供款的金額。

數月前炒「他媽哥池」遊戲機的一群,當時炒到要警察維持秩序,三百多元一隻入貨。熱潮流行了兩三個月,熱潮一過,該批貨無人問津,事主要於年宵以80元一隻散貨。

炒97回歸郵票的一群,數月前轉手炒高幾倍價錢,有新手更拿二百萬元出來炒郵票。熱潮過後,一些郵票的價值竟可跌破票面價。亦有不少人轉炒女王頭硬幣,因為這都是殖民地的產物。

還有當年房協賣居屋,不少人以為能以六千元的呎價買到市區樓,相對樓市高峰期,這算是非常抵買。可是當樓市大跌,這些還未正式上樓的準居屋業主就已經變成負資產。由於樓價跌了,難以用買入價錢到銀行造按揭,即使房協借出二按,不少準業主還是選擇撻訂,因為不想供一間「負資產」。更有不少準業主聚集起來,集體要求房協減價。


今天回看這些影片,百感交集。二十年過去,一眾股樓資產與香港人的性格,到底改變了多少?我們又能從當年的情況學到什麼東西呢?

80 則留言:

  1. Student says :

    ...... Cycle Game ...... Thanks for sharing.


    回覆刪除
    回覆
    1. 其實新鮮事不常有,因為人性如此。

      刪除
  2. 多謝止凡兄又推文章及當年股災紀錄片

    回覆刪除
    回覆
    1. 讓大家回憶一下,對未來操作有點啟示。

      刪除
  3. 政府當年賣唔去居屋,變左做公屋。。。
    不過贈慶講句,今次樓市與別不同,金槍不倒。
    最後升十倍跌一半,都升左五倍。

    回覆刪除
    回覆
    1. 每次大升浪與股樓災都有不同情況及主題,今天與97年也很不同。

      刪除
  4. 真係太陽之下無新事,二十年前同現在何其相似!多謝警惕!

    回覆刪除
    回覆
    1. 當我們在看,指罵當年的愚昧,是時候檢討今天。

      刪除
  5. 謝謝止凡兄咁好心機搜資料。有警剔作用之餘睇片也十分過癮!

    回覆刪除
    回覆
    1. 我都覺得那些影片好好睇,一面睇一面血脈沸騰。

      刪除
  6. 感謝止凡兄的分享,最近有一位不買股票的朋友最近常說的股票消息,讓我感覺山雨欲來的樣子。但常跟他唱反調,希望他能明白啊。


    Mokazi

    回覆刪除
    回覆
    1. 如果股市繼續暢旺,相信這樣的朋友會越來越多。

      刪除
  7. 也許這就是「五十年不變」?以經濟結構相比,我們的祖國在過去二十年要進步多了,但大部分香港人仍然停留在炒炒賣賣的階段。

    回覆刪除
    回覆
    1. 大部分人的性格乃人性,很難有所改變吧。

      刪除
  8. 謝謝提醒, 原本諗住今日再入多D 貨....都係睇定D 先:P

    回覆刪除
  9. 這是很好的回顧,我也喜歡多看股樓災片,作一個提醒!

    回覆刪除
  10. 97果次係香港自high
    今次係環球資產泡沫,一齊攬炒
    三才劍客

    回覆刪除
  11. 謝謝止凡兄, 果陣時我仲未買股票, 人係應該係歷史到學習。

    當年月入40000, 二百幾萬樓貴, 今日都係月入40000, D 樓去到成四百五十萬, 貴定平, 相對架姐...

    回覆刪除
    回覆
    1. 往事令人回味,但這情況就。。。

      刪除
  12. 也許重覆犯錯是人性的其中一種表現

    回覆刪除
    回覆
    1. 心理學吧,人性如此,難改。

      刪除
  13. 记得看过曾渊沧博士的一篇文章,股市癫狂赶顶的三大标准:1大量垃圾股爆炒,2少年股神出现,3投资书籍大卖,全民热衷股票。 不懂止凡兄是否有同感。 我居住在新加坡,目前为止股市给我的感觉还是一潭死水,楼市倒是有见底反弹的感觉,最近地产商疯狂拿地,许久不见的日光楼盘开始出现。

    回覆刪除
    回覆
    1. 我又未感覺到股市顛瘋,至少我不覺得自己的財經著作大賣,哈哈。不過樓市就有點顛,等爆。

      刪除
  14. 歷史會自己重複同樣的事情!看了一些關於香港收入低階層的新聞報導後,那個居所真的夠小.如果窮到極點,如何期望改善下一代的生活.這樣只會形成一個惡性循環!

    回覆刪除
    回覆
    1. 低下層最好透過教育向上流,所以我們要好好處理這一點,對社會影響深遠。

      刪除
  15. 謝謝圖文並茂的回顧。

    回覆刪除
    回覆
    1. 是影片,不單是圖片呢。

      留言時不妨留個名字,方便交流。

      刪除
  16. 謝謝你的分享
    建議放埋1998年香港大事回顧
    可以更感受到何謂金融風暴
    https://www.youtube.com/watch?v=EJyy1LNgvVk

    九十後大學生一名
    2013 年入市只經歷過大時代

    回覆刪除
    回覆
    1. 多謝分享,這些大事件值得回顧。

      刪除
  17. 相信今年股市大跌機會不大,因為大家都很有戒心,明年就很難說了!

    回覆刪除
    回覆
    1. 或者永遠也不會來也說不定。

      刪除
  18. 止凡兄,這些故事都很重要,謝謝分享。最重要的不是猜哪時打風,而是根據經驗知道雨季臨近,檢查門窗。

    T

    回覆刪除
    回覆
    1. 這個比喻很有趣,記不起在哪裡聽過。

      刪除
  19. Hi 止凡兄

    好耐冇留言啦,我都係未感覺到股市發癲,但係就應該已經回歸左正常價值啦,繼續持貨,密切留意住幾時開始發癲隨時部署走人。
    至於樓市就真係睇佢升到幾耐,負責比率已過左6成,租值回報得番2.6%,美國又開始行緊縮變相迫香港加息,我睇香港樓市應該唔頂得幾耐,雖然大跌好多既機會應該唔大啦,太多人供斷左樓

    子健

    回覆刪除
    回覆
    1. 子健的意見我相當認同,讓我們繼續觀察吧。

      刪除
  20. 止凡兄總能夠在適當的時候出適合的blog文,受益匪淺,感謝!

    回覆刪除
    回覆
    1. 剛巧看到有關股災影片,所以分享一下吧。

      刪除
  21. 謝謝分享,97時仲係讀緊書,06-08 年亂咁跟人買過下股票,近排決心想學價值投資,除左止凡兄最新本書買左未睇,其他都睇過晒,當然小妹唔係讀financial 出身,所以都唔係完全明晒,但都叫做有個大方向,希望你可以繼續出書和blog.
    Peggy

    回覆刪除
    回覆
    1. 多謝支持,你真勤力,希望著作幫到你。

      刪除
    2. 我對financial 類別既晤性好一般,只希望可學懂皮毛而達成最低層次既財務自由就已經好滿足

      刪除
    3. 這個要求,有目標有計劃其實不難,不過如果沒有準備就不容易達成。

      刪除
    4. 依家有少量股票(#5,1299,883), 少量外幣,2/3 現金待用,依家唔敢高追

      刪除
    5. 慢慢來吧,累積一下經驗,別太急進,加油。

      刪除
  22. 我當時供開五千蚊樓突然變八千,跟住負資產。

    回覆刪除
  23. 感謝止凡兄的發文提醒

    除了報紙上報導的
    我知道的幾個中資
    一直不斷的在香港買樓
    當成辦公室或員工宿舍
    有的是做為其它用途
    國家隊又可以免稅


    基於上述原因
    個人認為
    香港樓市還會再繼續發癲
    嘆!

    回覆刪除
    回覆
    1. 紅色資本真的很多,滲透了不少進來香港,如果內地經濟一旦出事,後果可不是說笑的。

      刪除
  24. 經濟上/數字的東西還好,
    看08年海潚完不到一年,
    由09年開始就瘋狂到現在,
    對有準備的人來說反而是機遇,
    我反而擔心天災(南極有冰山崩了)、戰爭 (中印邊境)、AI取代人力之類的問題,
    也許這些才是引爆黑天鵝的關鍵.
    -Herman

    回覆刪除
    回覆
    1. 每次股災的原因都不同,這正是難以預測的地方,不過人性卻沒多大改變。

      刪除
    2. 08年跌市, 小弟都未買股.....但最嬲就係當年俾個朋友呃左我去上D 類似人生教練果D "傳銷洗腦課程", 用左我15000元的資本, 否則呢15000 用黎入市, 就算當年不識選股, 只選2800, 都可以搵不少錢。

      到我俾完筆錢, 又儲到呢一筆錢果陣, 恆指已由11XXX 升到去22XXX, 當時嬲到同個friend 絕交.....因為佢waste 左我的錢同時間去上呢D 無聊堂, 筆錢我用黎炒股仲好......當時仲要係百年一遇的低位.......

      刪除
    3. 你的朋友騙你上堂,那課堂他有份兒的嗎?還是他有興趣叫你一起上而已?若這課程本身有問題,前者的情況他就有問題了,但後者的話,他可能也是受害者之一。

      你說的「人生教練傳銷洗腦課程」,我大概估到是那類,今天還有很多這類課程,小心。

      刪除
    4. 我只係知她當年係果度做part-time, 她當時只係屬於好心, 因為她都覺得自已交友方面出問題。當時自已同自已父母關係又不係好, 佢地總是覺得我不夠成熟, 同人相處有問題, 而啱啱有FD 介紹我去上呢D 課桯, 我媽都不介意.....但迫我去上呢D 堂, 到左上完堂後, 我只係發現呢D 導師其實都只係將心理書的部份抄出黎教, 佢地又講到教我地點樣睇股市(好皮毛果隻), 同埋教埋我地點樣去"睇人", 因為我以前不識睇人眉頭眼額(而家都不見得好好), 所以就去左上堂, 一心為學野, 但上完我覺得性價比極低.........D 錢囉黎去食好野, 炒股, 炒牛熊仲好, 至少贏輸都係自已......

      刪除
    5. 後來我才知道這位朋友都係受害者, 她仲在呢間衰野買左不少產品/課程, 蝕左幾萬蚊........所以最後我原諒她, 她而家嫁左個有少少錢, 又靚仔的白手興家IT 才俊, 生活過得好好, 仲自已創業開精油店(目標係做一個專業的精油/香FUN調劑師)。所以話, 女人嫁得好就夠......至少她不使捱份人工低的文員/秘書工, 可以財務自由咁去做自已鍾意的事.....為左興趣, 去法國半年學野都得......

      刪除
    6. 多謝分享你的經歷,這經歷對很多新手來說非常寶貴。坊間課程的確有不少陷阱,我們要小心選擇。

      刪除
  25. 我引用某文章所說:如果一隻股票$5叫做平,$60叫做貴,那麼中間怎麼辦?我們逃不開,但躲得過。
    三才劍客

    回覆刪除
    回覆
    1. 相反,多數人太著眼於中間位置,中間就享受現金流吧。

      刪除
  26. 第一次留言,really thanks for sharing!

    回覆刪除
    回覆
    1. 今次樓市真係好crazy,但又好似好難跌!

      刪除
    2. 感謝你的留言,日後不妨多留言交流。

      um...如果你看到第一條影片,當中市民也覺得好難跌。

      刪除
    3. 市場氣氛可以變得好快, 大家睇路......
      小弟最擔心的係如果美國出現滯脹(根據greenspan 的分析), 到時要用加息黎整停滯脹.....
      高息成本會打殘香港樓市..........

      刪除
    4. 股市變得更快,過去兩天,一下子跌近千點,後市如何也未知。

      刪除
  27. 股或可以重生......樓真係影響深遠......當年有好朋友就係抽到夾屋加埋二按,供到死死吓,去到2010年見市好賣咗又係話等跌!時機、眼光、堅持.....但到今日又變成兩手空空,有些唏噓......

    回覆刪除
    回覆
    1. 這類人不少,事實上這幾年樓市大升,早能預計的人不多。

      刪除
    2. 不過小弟父母以前就係不識炒股果D 人黎, 即使08年股市跌到仆直, 佢地都不識得將層樓轉按套現, 然後買入2800, 內銀等藍籌股........

      即使11年賣樓後又無將筆錢滾大佢, 只係做定期就算, 可能我家鄉民族的人都係比較保守(我自己都係), 所以就不敢好似星人咁搵大錢。我父親都算係一個小小的老闆, 做小本工程生意, 好多伙記都話我爸係好僱主, 至少糧準, 又因為"捱義氣", 試過提早出糧俾伙記.....加上質量好, 所以以前好多工程做, 之但係而家工程界的工作氣氛係人人射波, 業主只愛平價,加上好多人都係用低價搶JOB 黎做, 好多裝修大判成日嫌我爸開價高/貴而不俾工程我爸接,所以佢臨退休前都不夠工程做, 半退休了。他不想蝕住做JOB,同埋不想減伙記人工去keep profit/降低交貨要求)。在財商方面, 我爸的確不係一個"叻"的商人, 他係一個好僱主, 但並不係一個能夠有料搵大錢的人。因為他不會賺盡, 同埋伙記間中囉著數, 佢都覺得無所謂, 但結果係佢間公司做不大....佢做生意都從未借過銀行1分1毫。

      其實加按炒樓/投資股票真係好多人都會咁做, 我爸成日告誡小弟, 他覺得我一世人流流長, 總會遇上一次大通縮/衰退, 你只要有舊錢/子彈, 咁下一個經濟周期, 咁你就可以有機會入市.(包括樓/股票)

      刪除
    3. 保守不一定是錯,看財商與因由決定吧,財商不足,做生意很吃虧。

      刪除
    4. 我個人的交際手捥都不算叻, 所以都不敢做生意, 好驚血本無歸兼欠債......

      刪除
    5. 不少生意需要交際手腕,不過這也未必是必需的,而且成功的生意人可以找拍檔或請人以補自己不足。

      刪除
  28. 恆指今日的P/E 值係15.4X, 如果要個泡沫爆, 通常要去到20倍左右......
    今時今日有樣好好的工具, 就係反向指數股.....如果今次升爆市, 小弟點都會買反向ETF 黎賺錢............

    如果HSI 升穿30000, 就真係要小心小心....

    回覆刪除
    回覆
    1. 有否計過,恒指30000點,代表市盈率多少?

      刪除
    2. 從Bloomberg睇今天27867點是PE=14.53, 1yr return is 28.44%, 14.53/27867*30000=15.64. 但我比較關心的是PEG不是PE

      刪除
    3. 未到16倍,這又與樓上Chun兄所講的20倍市盈率差三成之多,難到要等到40000點?

      刪除
    4. 我地只能一關一關睇,能否上三萬,還看A股表現。

      刪除
    5. 估市總是困難的,還是做好風險管理吧。

      刪除
  29. 其實如果大家學精咗,個市無咁易爆,至少我認為香港股民已經謹慎了不少。反而係其他新興投資爆唔爆,然後波及港股,畢竟資金追逐高利潤,傳統炒賣已經滿足唔到投資者。現在還有很多散戶未有瞓身,指數靠紅色資金墊住,至少我樓下的屋村商場內的證券行未見旺暢,短時間內出現人多情況,可能就有燶味。

    回覆刪除
    回覆
    1. 與以前的股災前夕比較,現在的氣氛的確還未成氣候。

      刪除