止凡著作

跟著價值走
的12堂課


財經類
2017年5月初版




財富未來


財經類
2016年4月初版




財商有價


財經類
2015年7月初版




積財有技


財經類
2015年2月初版




取之有道


財經類
2014年10月初版




永不當田雞


哲學類
2006年3月初版

2015年10月26日星期一

投資於行業暗淡時(四)- 百家雜評

莎莎是一家本地零售股,要了解其業務,絕對不只看年報一個渠道,還可以做很多事情。而止凡就至少做過以下幾個動作,試圖找尋一些連基金大戶都沒有的資料及感覺,不要少看這些無聊動作,散戶的優勢正在於此。



身邊朋友:

好像我這樣的男人,又怎會對這些賣化妝品的公司有所了解,但幸好我們身邊都總有女性朋友,所以我多會問問她們的意見。

大體上,她們對莎莎的意見都相當正面,卓悅就好像雜亂一點,檔次又低一點,莎莎給人的感覺是較高級的,但產品又較貴。不過,幾位女性朋友都話就算貴一點也寧願到莎莎買,信心大一點,始終搽在自己塊面上的,還是穩陣一點較好,對假貨問題的擔心會少一點。


網上言論:


SaSa vs 卓悅 vs colourmix,邊間比較好d?

「我覺得colourmix好煩,係咁sale野」

「係呀,我都覺得coluurmix d ba好煩,係咁跟住你,不停sell其他嘢」

「比較鐘意sasa,不過朗豪對面個間有個staff成日黑口黑面。
卓記都ok,但d野就真係 .... 太過亂。
colourmix就 .... 無必要都唔想去 = =||」

「sasa裝修都好d啦。卓悅成間雜貨店咁。sasa d裝修高檔d tim!」

「sasa better because the shop is clean and tidy.
i do not like colormix, some BA is hard sell and not polite.」

「鍾意去colourmix,會sell你買野
sasa行得舒服d
卓悅d野好亂,不過多d唔同ge品牌
(不過硬係覺得有部份係假野-v-好似olay個d,次次都賣到好平)」

「OLAY其實間間都平架喇,not only卓悅..可能因為係made in china啦...」

「鍾意去colourmix,但係d sale大部分都好煩 ~
不過知道佢地為左平時ge營業額先得煩到d客死,有d同情佢地 ~」

「我覺得SASA好D....
買D野有信心D...
卓記D野好似過期咁.....又混亂...
COLOURMIX我唔去......
但係大家都有一個共通點....
就係D SALES姐姐勁厚粉.....厚都傻....」

「SaSa最好!
卓悅成日賣假野 又有好多內地遊客
COLOURMIX 勁sale你野」


再看另一個討論區:

我想問集團式既美容化妝店 - 卓悅,莎莎,Colourmix,其實邊間最好and最差?
可以論價錢,產品質素,檔次等等
我是用作研究之用...卻對此毫無認識....多謝解答~~~

「本人覺得卓悅差d...
因為聽人講過大減價其實係會賣d過期既野比人.....」

「colourmix 係咪最 high class ga?」

「下乜唔係sasa差d咩,,,好似登報話賣過期野..
colourmix?未聽過..邊度?
我成日都入去睇野,,,就算唔買都走入去睇餐飽,,,um..其實唔知點解去li d make up/skin care shop前面就好想入去睇架la~~@_@?
其實佢地係水貨o者,,冇保證eg.過期....if要買時自己小心d la~
不過成日都見到好多女人係果到買野架la~~if真係咁差既話,,,又唔見行街時香港d女人爛哂面...」

「聽我個fd講過卓越有d貨有號碼係睇日期嫁,其實我都係聽姐」

「上次我去卓越買野,佢sell我一樣野
由3xx減到138,咁佢都有比我試用
好似唔錯嘛,咁咪買囉,重話係法國野,我又趕住用,咁咪買囉
點知返到家,比我唔小心望到
佢已過了期成1年3個月,頂!
都係自己唔小心,不過冇諗到會發生d咁既事嘛」

「我上次去買lanegie的時候又ok wor。
我買的時候叫佢比個日期我睇。
我睇到支野出廠1個月都冇,好新鮮,哈哈。」

「我上次去卓越買左樽Clinique既surge moisture(唔記得點串)
點知我上去Clinique個website竟然無果隻product!
嚇到我死死下..跟住個friend話可能係舊product都未定,跟住減價囉出黎賣。
佢做完promotion之後,真係無左隻product,但舊product都唔知擺左幾耐。
之後我去clinique果道試下隻差唔多樣既product係唔係咁既質地,都似8成既。
我屋企哥樽查落手又滑滑,又無異味咪算囉。
下次真係要小心睇真d,佢又無貼住expired date。」

「係有呢隻野ga,叫moisture surge extra係粉紅色ga ma。」

「聽我個fd講過卓越有d貨有號碼係睇日期號碼係睇日期嫁,其實我都係聽姐。
d號碼點睇ga?」

「我都唔清楚。
不過我家姐識睇莎莎d碼
好似u係未過期既」


blog友A在巴黎兄文章處留言看到:


第一次留言,因為我都觀察左莎莎一段時間,之前佔中果排已經心郁郁,原因如下:

1. 個人能力圈。我係投資初哥,睇開的幾位blogger都建議要從自身能力圈入手,扮靚shopping係其中一項,亦都經常會行幾間龍頭藥妝店,加上以前暑期工做過其「對手公司」,叫做有丁咁多行內資訊(雖然係幾年前)

2. 年報內容。見到公司管理層非常有HEART,分析全面,而且列出相應「具體」的對策,而非好似對手公司咁講D空泛野、交「行貨」或者跟人口水尾。

3. 電子商貿。零售長遠發展一定要發展埋電子商貿,同埋online marketing,已經係大勢所趨。13-14年報入面,其中一樣野令我非常impressive,就係佢地提到,會加入一樣「追蹤使用者愛好」的功能,我好鐘意網購,尤其淘寶,淘寶之所以令人流連忘返,其中一招好厲害,就係佢就追蹤你睇緊乜,不斷suggest一D類似的商品,你就睇極都睇唔完,愈買愈多(當然淘寶仲有好多好厲害招數,唔只呢樣)。要做內地人生意,能夠做到D同淘寶類似的野,its good!

另外,14-15年報入面見到莎莎係電子商貿方面又有新玩意,就係搞左IPAD APP。話要發展電子商貿,講得出,做得到,而且不斷見到有進展,做的動作都好正路。

SASA.COM的內地版,個版面整到同淘寶非常似,支付方式有足夠的「在地化」,例如支付寶、微訊支付、財付通,內地消費者用起泥會非常易上手。免運費門檻只係二百幾蚊,比對手公司低。

本地ONLINE MARKETING方面,SASA同一D受歡迎的BEAUTY BLOGGER合作賣廣告、搞活動。呢D都係對手公司做唔到/冇去做的野。而家D年輕人,睇手機、YOUTUBE多過睇電視。

4. 比較對手公司,其中一間,當年係入面工作,感覺唔好,佢地揀泥代理果D品牌有D其實幾好用,但公司對員工刻薄,底薪非常低,做唔到數就罰企,人手唔夠,D 員工可以連踩21日都無假放,唔會留得住人才,員工欠缺training,因人手唔夠根本無時間train,好多野亂咁泥。開新舖好似週圍亂插旗咁,SASA撒離的舖位佢就搬入去。(平時成日行,剛好留意到)

5. 另一間對手公司,個年報已睇到眼都花,只見不斷玩弄財技,做D睇唔明的動作。4億買幢野返泥做寫字樓+倉庫,話自用可以每年省千萬租金同每季幾百萬裝修費,4億咪姐係40年租金?寫字樓同倉庫要每季裝修架咩?真係好難明。發展業務篇幅就寫D空泛野,來來去去都係果D。仲有,全線店面門口的主題顏色改做黑色,整D彩虹字,老土又核突。

但由佔中至今仲未買入係因為以下幾點:

1. 個價可以低D(因佔中,以及人們愈來愈睇淡自由行,零售股會普遍不被看好)。
2. 儘管已經算係抵買,但手上資金不多,剛出來工作人工唔多,兩手已經過萬,儲落的錢買左其他股,仲有其他心水零售股想買,要觀望及取捨。
3. 觀察年報入面講的策略係咪講得出做得到。


另外,早前的文章就有不少blog友對莎莎印象不太好:


Kit:

不過坦白說,作為女生,真的很少去莎莎買野,大牌子會去專櫃買,細牌子會去卓悅(因為同一產品卓悅較平)。莎莎好像主要的顧客都是自由行。。所以當我自己和身邊的朋友都不經常光顧,我對這股票也有保留。


Taktak:

本人不太明白SASA的品牌價值同收入還有那麼高?因眼見有些好用牌字的商品SASA又無得買,而相同產品Colourmix(威高國際)更平。此外我的朋友都覺SASA變得太大陸化(如翠華一樣),所以不太多去。現在當我要買禮物,都不會去SASA,大商場專門店經常有折(而且同人講專門店買,感覺良好些,你懂的)。
完全明白SASA同翠華一樣,在國內人心中還有些位置,但事實好多人來了香港幾次就知那裡有更好更便的買(如尖沙咀某藥房)。與翠華一樣,以前經常排長龍等位,現在?
所以莎莎、翠華業績倒退是不無道理的,眼看Colourmix做得不差、商場專門店及個體戶仍有不少人買東西、荃灣佐敦某些出名餐廳依然日日排隊,零售業寒冬是太過依賴、太過單一、太過不思安危自食的惡果。希望其有所改變,不然只像初初Berkshire般,只能疑似有價值的東西,股神亦見無奈。


Hana:

作為一個用家和兼職代購買手,我覺得莎莎會係翻版的思捷,事關我已經有N年冇去過莎莎買野了。上個月招呼咗一班上海的80後中產女仔陪佢哋買彩妝同護膚品,大約消費咗8萬蚊港紙,冇一蚊係使係莎莎度嘅。

大牌係專櫃/專門店買,因為全部牌子常年都有買滿幾多錢送贈品,而d贈品價值不菲,攞去旅行用又好方便。會員仲可以儲分換產品,定時定候又有試用裝送。送畀人嗰啲日丶韓護膚品就去Colourmix或藥房買,因為又平又多選擇。仲有依加萬寧和屈辰氏有好多開架藥妝賣又搶咗好多市場佔有率。小女子認為全世界大約只有通勝係可以一本書睇到老嘅,變幻原是永恆。


親身視察:

看過以上的文字,有好有壞,大約對這個行業內不同的公司心中有個譜。我平日逛商場時,也會留意這些店舖。大體上,感覺跟以上部份討論都差不多,莎莎較企理,有一種較專業的感覺。而卓悅就越來越走自由行(水貨客)路線,店內的確較雜亂,更有尿片及日用品發售,水貨客都在門口地上整理一箱二箱的貨物,使本地客的消費意欲大減。而colourmix就客流很少,個人來說,對莎莎的整體感覺頗不錯。


後記:

可能你會話,不是吧,就看看這些討論區就投資,這你也相信?會否不太科學呢?投資是藝術而非科學,了解一家公司就要從多方面去了解。年報看過了,分析過了,這是基礎,是否足夠呢?足夠不足夠這個問題,永遠都是沒有最好,只有更好。

太太們在買菜之前,如何知道這顆菜值多少?靚不靚?是否看年報?有的話可以吧,親身檢查其進口過程,可以的話無妨。最簡單直接是口碑,問問其他太太,管理自己的經驗,很快就對要買的菜有個出色的決定。

說了很多篇,正如第一篇所言,以前有不少寫個股估值的文章都有談論不同的方法,不同的分析思考角度,今次這個方法也是我常用的。我研究過的公司,多能說出它的故事,大故事及小故事也會說一點點,因為我會從不同渠道去找資料,尤其今天有google,資訊不難找,我相信基金大戶多不會做這些事情,大家不妨試試看。

最後總結一下,這幾篇文章一口氣說了不少估值的方法點子,亦引起不少討論,看來大家都把這樣一家公司的前世今生都拿出來深思細想一番,投資與否,也總算有個了解。始終用文字交代有限制,投資者不妨拿這些文章作為起始點,繼續努力鑽研,祝大家成功。

連結:
投資於行業暗淡時(一)- 估值五花八門
投資於行業暗淡時(二)- 買入了什麼?
投資於行業暗淡時(三)- 看見趨勢
投資於行業暗淡時(四)- 百家雜評

54 則留言:

  1. 可惜你所比較的,較少從零售對品牌商處看。
    你會否看漏一些最重要的?

    回覆刪除
    回覆
    1. 對呀,可惜這方面的資料較難找噢。

      刪除
    2. 我從不考慮零售對零售,根本不會輸。
      最大威脅對手另有其人!

      刪除
    3. 哦,大概是零售業的轉營問題。

      刪除
  2. 這個sasa估值系列近來每天都有追看,一直期待止凡能寫出一些東西來,可惜結果4篇文章,沒半句與「估值」沾得上邊,充其量只是介紹了一些「了解公司」的方法。

    價值投資者,講究的是要懂得判斷公司的現價是否「抵買」,止凡把心力都放在研究公司是否「好公司」,而這其實只是價值投資其中一個環節而已。像有些blog友也提及,「行業前景」是另外一個很重要的原素,好公司但如處於夕陽行業/下降週期,有時並不能算是一個好的投資。

    而要判斷是否值得投資,就需要為公司作「估值」了,就是說大概的估算一下公司在現時的情況下應該值多少錢。這方面需要專業的會計及財務知識,但又正正是普通投資者最缺乏的。故本來期望止凡會在這方面著墨 (畢竟止凡原意是希望談估值),可惜被blog友指出第二篇文章的方法有誤後,止凡即對有關內容隻字不談。

    其實如果止凡也認為那位blog友提出的看法是對的(或錯的),也可以分享一下如何對方法作出改善,與其他blog友共享,共同進步,這才是交流的目的,也不柱眾多粉絲的支持。

    流星

    回覆刪除
    回覆
    1. 第三篇討論過估值的方法,是確認了趨勢後再以折現率計算現值,只不過沒有把整個假設寫出來。如果你一向有來看文章,你會發現這裡不常有貼出很多數字的文章,因為多年前常常貼出每次年報的數字及分析(如果長期追蹤這裡的blog友可能有印象),但自己在搬blog時整理過後,最先刪掉這些文章,因為過時後的可閱性實在不高。

      其實,估值最後就只是拿個excel表輸入數字,巴黎兄更設計了一個估值計算器,當然內裡有很多假設。但估值的關鍵並非數字的精確,而是背後的理念。例如折現率用多少?盈利增長預期多少?往後盈利一直向下?還是向下一兩年之後再向上?增長率多少?需要深思的是這些假設。

      今天這些文章,其實所帶出的信息已經不少了,簡單幾個問題,一些估值的假設,從留言中已經看見各說各話,人人心中也有一把尺,把這些東西考慮都寫出來,比寫一條數,一些數字出來,來得更有意思,日後回看更有可閱性。

      可能我想的東西是怪怪地,令流星兄你失望也不好意思。

      刪除
  3. 我從令一角度看:美麗系馬主,管理層經常留連馬場,愛出風頭多於花時間管理自己間公司,我有介心。

    回覆刪除
    回覆
    1. 這個想法很有趣。

      你是Anthony嗎?這個留言沒有留名,但跟之前的留言相似。

      刪除
    2. 留連馬場,愛出風頭對品牌來講係好事,幫助宣傳嘛!令我懷疑嘅係管理層的思想羅邏輯。我同主席夫人同枱食過幾次飯,有次有忍唔住問佢:依加咁流行家庭美容儀器點解莎莎唔分一杯羹呀?佢話果啲唔係佢哋的目標客戶。要知道我哋啲女人無論去美容院定係買護膚品彩妝美容儀器個預算其實係同一個柜桶來架!買多咗呢樣果樣就用少啲了,隨住科技的進步各類家用美容儀器占我哋保養成本的份數越來越大了。

      刪除
    3. Hana曾經與主席夫人同枱吃飯,的確厲害,亦多謝你的分享。

      刪除
    4. 我覺得要全面分析美容潮流和趨勢不是易事,跟車太貼對企業來說也不是好事。雖然Hana認為「隨住科技的進步各類家用美容儀器占我哋保養成本的份數越來越大了」,但窮家女自身沒有多察覺到這trend。如果要用美容儀器,而且要是專業的,像窮家女會直接上美容院。用家用美容儀器的女生多因為懶,但同樣因為懶,用幾次不用,知道浪費下次就不會買。如果Sasa認為「果啲唔係佢哋的目標客戶」,我倒覺得是好事。好企業有時不是因為業務做得大,而是做得精。以Sasa創辦人的背景來看,家用美容儀器明顯不是其專長,當中牽涉保養、維修問題,如不精於此產品實容易出事啊。

      刪除
    5. 我也很少聽到身邊的女性朋友或同事會買入美容儀器在家自己做美容,應該是從未聽過,當然我是男人,可能這方面的觸角差得多了。

      刪除
    6. 同莎莎老闆娘同枱食飯並不是什麼厲害的事,應酬式飯局一圍枱十個八個人互相熟悉的人可能得三幾個。我反而認為自己一介女流讀中史,音樂出身可以係咁嘅年紀積累到9位數身家啲運氣係幾厲害的。

      另致窮家女,每個女人保養方法,使費都唔同,如果你自己或身邊朋友都唔了解家用美容儀器而你又持有或想持有美容產品相關行業你就應該上網睇睇無論美容博客,討論區和團購網站相關用家的討論和評論。你會發覺你完全唔·了解個人家用美容儀器同去美容院係冇沖突架!雖然個名差唔多。大概要軍你試過用一支無線小巧過電視遙控器的脈衝波導入儀敷完一塊面膜個效果好過就咁敷三塊的時候,你先至會明白我講緊咩。

      刪除
    7. 補充:我去百老匯或豐澤買電器無論係三星定日立個保養或維修係三星或日立跟的,只有豐澤牌先係豐澤跟嘅。

      刪除
    8. 嘩,累積了過億身家,實在厲害得很。有空不妨分享一下你的故事,相信這裡不少blog友都有興趣想知道是什麼一回事。

      刪除
  4. 是呀止凡,click錯掣。補充,我欣賞759老細那些實幹型多些,不曉分析,純粹個人觀感。

    回覆刪除
  5. 睇年報,特別喜歡看其發展方向,以下copied from 莎莎年報
     整體而言,我們預期內地訪港旅客人次增長將放緩而人均消費金額亦將下降
     密切監察市況,並重新評估零售網絡,尋求能帶來持續增長的區域作店舖擴張:例如鄰近內地邊境的新界區
     重整過去十年間因快速增長而過度集中於銅鑼灣、尖沙咀及旺角等旅遊區的「莎莎」店舖
     鑒於韓國化粧產品大受市場歡迎,將與供應商及韓國美容品牌進一步建立更緊密的合作關係
     投放更多資源,推動線上及線下營運能力,確保及擴闊顧客基礎,藉此增強香港以外現有市場以及線上業務的營業額及盈利貢獻

    (從以上,已經知道問題所在,已經有對策,往後看要留意其對策有效性如何了?)

    回覆刪除
    回覆
    1. 莎莎在年報中的確預視了問題,宜看看相對對策是否有效吧。

      刪除
  6. 不論本地還是國內,化妝護膚品需求還是存在的,內地人不來香港不代表需求消失,個人目前還是對莎莎有信心的,能幹的管理層會因應情況作出轉變,沒有自由行就想辦法打入內地市場,暫時未有類似性質國內的企業能取代莎莎的品牌形象,如果內地網購做得成功,會是不錯的出路,其實不少零售品牌都在淘寶天貓有官方旗艦店,比較擔心是她是否能順利打入市場。至少目前看到莎莎面對行業暗淡,其應變很快和決心都很強,她的品牌形象是難得的籌碼,期待下一份年報。

    PS.對巴黎先生的估值計算器非常有興趣.

    【178】莎莎與京東合作發展內地線上銷售[2015-09-24 06:22]
    http://toronto.singtao.ca/359078/2015-09-24/post-%E3%80%90178%E3%80%91%E8%8E%8E%E8%8E%8E%E8%88%87%E4%BA%AC%E6%9D%B1%E5%90%88%E4%BD%9C%E7%99%BC%E5%B1%95%E5%85%A7%E5%9C%B0%E7%B7%9A%E4%B8%8A%E9%8A%B7%E5%94%AE/?variant=zh-hk

    回覆刪除
    回覆
    1. 直至今天為止,我對莎莎的感覺還是頗正面的,出盈警令大戶沽貨,是他們先知先覺還是「跟車太貼」,需要時間證明。

      刪除
  7. 其實投資最主要還是價格要平, 例如就算莎莎是好股,明顯9元買入是大意,
    就算莎莎平平無奇, 1.4買入的都可以賺了不少錢.


    巴黎.

    回覆刪除
    回覆
    1. 所以巴黎兄的策略就是找出好公司﹐ 然後用超平價買入﹐ 無視趨勢。^_^

      刪除
    2. 認同巴黎兄,始終sasa上市那麼多年,長期沒負債又能有一定營業額真的很不錯。還記得巴黎兄在堂上說過,公司倒閉或被收購,大多不是因為沒生意,而是因為負債太多但現金流不足以還債。

      刪除
    3. 趨勢投資,我數不出有哪位富豪利用這操作而致富。

      的確,公司倒閉主因多是因為現金流出事。

      刪除
  8. 最近在忙, 一次過睇哂幾篇止凡兄的文章同留言, 獲益良多, 而且好過癮... XD
    老實說, 有能力既香港女仕還是愛去商場的專櫃入貨。學生妹用野又愈來愈講究, 可以長期用既妝物, 例如眼捷毛夾可能都仲會起sasa買既, 但消耗品好多已經上網入貨。轉營期間應該會有一番陣痛, 或者呢個正正係機會

    回覆刪除
    回覆
    1. 這個系列的確幾過癮。

      這幾天所得到的思潮衝擊,不可說笑。

      刪除
  9. 我見啲網上意見眾多但冇人提到莎莎的售貨員極之討厭,你想買某牌子的某產品,如果分佣少嘅佢一定係咁踩此牌子然後強推分佣高的牌子的同類貨(有啲莎莎獨家代理的品牌分佣高達4成)。我本身係70後經過多年打拼資產和資歷都比年輕人豐富,有獨立思考的能力,所以佢哋salse我唔到。但啲後生嘅唔夠定力就好容易畀佢呃到了,啱啱有個廿來歲的伙計原本想去莎莎買佢賣廣告做特價某牌子支面霜(約二百幾蚊),結果畀人游說到買咗2000幾蚊中年婦女用的護膚品幾盒。可以話莎莎此策略好成功也可以話好失敗,因為個伙計周圍唱衰佢叫人咪去莎莎買野吖!

    回覆刪除
    回覆
    1. 多謝Hana分享,個人感受是很好的指標,但作為投資者,同時又要了解大眾心態,看大多數人的想法,這更有助投資決定。

      好奇想問一下,你平時有否來小弟blog看文?還是只因為有關莎莎的文章才按了進來?

      刪除
    2. 我睇開市場先生個blog有日見你寫莎莎就入來睇下,因為佢高息我都有留意過佢,雖然自己唔鐘意呢隻股但都想睇下唔同意見。我相信每個人睇野都會有盲點,希望從別人的眼中睇到我睇唔到嘅野。而且我發覺除咗人以類聚仲有博以類聚(止凡兄的博就附和多過反駁),睇多啲唔同類型的投資博睇嘅野會冇咁片面。

      刪除
    3. 當然我係見到兄臺呢度唔同聲音都有'生存空間'先講多咗,如有錯失還望見諒。

      刪除
    4. 其實這裡是悶blog一個,亦是少數人的小天地,與主流媒體談不上邊,喜歡看的多會留下來多看兩篇,留言交流,不喜歡看你多被悶走了,所以可能這樣會「博以類聚」吧。

      你都有發現這裡有不同聲音,只要相互尊重,多點包容,和而不同亦可,最希望大家能共同進步就好了。

      刪除
  10. 近年多了很多化妝品牌自營專門店,消費模式和選擇已經有所改變,莎莎新舖已經開到去領展的街坊商場,而且是拍蒼蠅的,所以莎莎是面對的不止零售業淡風這麼簡單,再這樓討論下去,有少少驚莎莎會成為blog界的另一隻中國動向。

    回覆刪除
    回覆
    1. 這個個很好的提醒,這就可以集中研究中國動向當年的死因,再看看今天莎莎有否這問題存在。

      刪除
  11. 止凡兄這幾篇莎莎的文章寫得很全面,年報(10萬元比喻)、估值及口碑都照顧到。估值方面沒有會計基礎知識很難明白,幸好上了巴黎兄的課堂掃盲一下。

    不過我對化妝品毫無認識,無法了解SASA的品牌護城河是否足夠,明顯自己一米欄不在此處。

    回覆刪除
    回覆
    1. 保持在能力圈內投資也可以相當成功的,加油。

      估值的確只寫出了概念與做法,沒有詳細計算一次,不過好像上面一篇留言的回應所言,重點不在計算,而是背後的假設。

      刪除
  12. 對,消費模式經已轉向,想當年菲林龍頭柯打今日又如何l?!補充:也沒有人提到現在美容院也有護膚品和彩妝賣,平貴都有,VlP客的折扣是很大的,最緊要係售後服務非常好。

    回覆刪除
    回覆
    1. 菲林的死因算是技術轉型,全世界都用digital cam所致,化妝零售業是否也面對這條路,見人見智。

      刪除
    2. 柯達係我舉錯例,應該用IT(999)更貼切。

      刪除
    3. IT這個例子比較好。

      刪除
  13. 多謝止凡分享如何看一間公司的方法。網上討論區是一個可以嘗試的方向。自從讀了止凡的網站後,買股票多了一份樂趣。不再停留在股格上落,或追看財演的「靠估」。反而多觀察想買入的公司。其實,早段日子行街,我會留意到莎莎再沒有像以往般跟卓悅、Colourmix 在同一條街開地鋪。我刻意去數SaSa在彌敦道 (旺角至佐)的情況。大致上,鋪頭數目減少了,保留的都在地鐵站出口位置。而且都在三星級酒店附近。另外,觀察到SaSa普遍見到男顧客,手拿了清單,可能為女朋友或太太找貨品。而卓悅仍有很多地鋪,但像Colourmix,閒時不太多客人。有時候小貓三二。也預料十一黃金周SaSa營業額有可能不理想,因地鋪少了;不過,它似乎向網路銷售發展中,也成了新專門給內地人購物區其中一員,這個試驗區由政府支持,聽聞有很吸引的租金優惠。種種原因,SaSa給我一個落實又善於經營的印象。當然,還要仔細閱讀它的報告,和繼續觀察。但這個為生活帶來樂趣!

    回覆刪除
    回覆
    1. 看來KKL兄看見了投資的樂趣,太好了。

      你對莎莎的感覺跟我也差不多,我也很好奇在這個低潮之下,它會如何應對。

      刪除
  14. 一口氣重溫了sasa估值系列,發現大多數Blog友都把sasa未來的希望放在內地市場及網購上。可惜從年報上的資料來看,SASA內地分部連年虧損,網購成績又未能從其他分部中分拆出來獨立列在年報之中,只看到截至今年3月其他分部業績轉盛為虧,虧損8百萬元。

    上次經止凡兄提醒後,自己想了好一陣子,還是決定靜待SASA的中期業績,要是它內地分部和其他分部的業績仍沒有任何起色的話,就決不買入。

    回覆刪除
    回覆
    1. 把未來希望都放於內地及網購,很大可能會令你失望,無論如何,靜心等待業績公布吧。

      刪除
  15. 太太和太太朋友意見,SASA,卓悅,COLORMIX在同一條街,三選一會選擇走入SASA

    回覆刪除
    回覆
    1. 我身邊也有朋友有同樣的意見。

      刪除
  16. 我跟朋友都認為colormix 貨品種類不多,一見到都完全無興趣行入去逛;SASA就多選擇,又行得舒服好多,卓悅的品牌形象(對我來說)則越來越差;分店方面,感覺上SASA同color mix 分店多過卓悅,個人認為3間之中SASA始終係最得本地客戶支持。
    玉桂

    回覆刪除
    回覆
    1. 玉桂的觀點跟我的調查結論差不多,始終不排除莎莎對某些客來說有其不足之處,要小心分析問題,隨時是致命傷。

      刪除
  17. 看完這篇之後,鶴佬人覺得止凡兄懂得評估企業護城河的重點,內容比上幾篇像樣。Hana講的論點值得深思,這種討論才是真正站在生意人的角度認識企業的方法。

    回覆刪除
    回覆
    1. 其實還有不少調查可以做,好像價值兄所言,從供應商的角度看,可能又會有一些新觀點。例如可能它有很好的議價能力,數期又特別長,更可以封殺對手之類。作為價值投資者,任何角度都值得思考,資訊的代表性及合理性如何,往日的失敗例子問題出在什麼地方,做到不受市場氣氛情緒影響判斷。

      刪除
    2. 我也很支持HANA的論點, 身邊的朋友都是中產中女, 我們買護膚品也不會去莎莎的, 會去專門店或專櫃, SALES對產品了解, 又能推薦適合的用品, 有積分, 不時有試用新品, 又有贈品, 當SOGO週年慶時購買更超值! 所以莎莎對我來說沒有什麼吸引力!

      刪除
    3. 不同階層的女性也有不同意見,而且可以是完全相反,很有趣。

      刪除
  18. 這幾篇文章另我想起創科實業, 08年金融海嘯大災難跌到2元, 現在巳升超過30元了! 可惜當時不會價值投資, 沒有買入!

    回覆刪除
    回覆
    1. 股災時,實在有太多機會了。

      刪除