2011年11月19日 星期六

瑞安房地產的市場策略

瑞安房地產(0272)在無線電視的財經透視講解市場策略。


有研究內房股的朋友都會覺得瑞房的賣樓周期比一般內房股都會比較長一些, 而瑞房的項目又的確比其他內房股的項目不同, 項目總會有著一些特別的地方, 成為城市中的地標。止凡也一直有這種感覺, 而且這種感覺由中央打嚴房地產的這些年更加強烈, 瑞房的賣樓及套現速度實在慢人半拍。

不過, 我一直喜歡投資一些能創造價值的公司, 這是真正資本主義的贏家, 如果家家公司都能做的, 最後只是鬥快做、鬥平做、鬥賤做, 這不會是一個好結果, 要做最後贏家, 一定要做出人家做不到的價值。

一般房地產公司都是投地、建房、賣房, 投地時呎價多少塊, 建築成本如何, 不同地段的樓價如何, 項目的利潤都一定能大概計算出來, 餘下來的就是鬥靚價搶地, 鬥快建成, 賣樓時推出熱鬧氣氛等, 誰能找出更多價值呢?

在香港, 我覺得長實就是前者, 不停建房賣房, 主打貨如輪轉。而能加添更多價值的就有新地及近年的信和, 新地發展下的沙田, 是整個區去考慮, 商場購物中心加上住宅, 令整個區變成超高人流的地區, 使地價因經濟活動而升值, 賣樓時能賣更高的價錢, 這些價值都是新地創造出來的。

瑞房令我想起新地, 做的都是非一般的項目, 上海新天地已經不是一般發展商會或能做得出的項目, 結會新舊元素於一身, 令建築期及成本增加不少, 其他重點城市的項目都有類似的特色, 看完這篇報導, 我對瑞房未來會跑出又多了些信心。

5 則留言:

  1. 咁我都想再買返(自由一千萬)

    回覆刪除
  2. 272上市咁耐, 股價慘不忍睹, 你仍相信嗎? 你認272到何時才可以表現出他的價值呢?

    回覆刪除
  3. 投資好睇管理層, 管理層開出一個遠景, 又真係好睇個信字, 所以瑞房真係唔適合現今急進的投機客。

    回覆刪除
  4. 你點睇瑞房的未來?
    睇個勢大陸可能未來一兩年都唔會放鬆打壓內房.
    我對個升跌唔係好大關心,因為我一早已打算長線持有, 我更心的係公司的股息,可以令我持有期間比我信心以,股息係公司的最好健康證明,但係272好似派息無乜驚喜..

    回覆刪除
  5. 回應:「你點睇瑞房的未來?....」
    我睇瑞房對現金回籠真係唔多著緊, 未來既爆炸力到底有沒有亦是一個預測, 但這幾年現金回籠速度實在不算快。

    回覆刪除