2011年10月10日 星期一

了解市場散戶反應

不知大家以及身邊的股友有否被近期股市嚇親, 股市可以一跌就跌幾星期, 跌幾千點, 但某些股票又可以兩日升返廿幾三十巴仙。


記得不久前才有不少師奶話股市跌要低吸撈底, 問止凡買哪支股票好, 當時我都奇怪, 股市大跌, 一般股民應該好驚才對, 為何師奶都能在別人恐懼時貪婪呢? 所以早前應該未到最恐懼的時刻, 因此我死等, 不可亂用孖展大手增持, 孖展應該在百佳惠康「破底價」時又沒有足夠現金才運用, 平時有正現金流的儲蓄就可以買些少。

但反觀近一、兩星期, 身邊的朋友就開始驚, 例如當我開個話題話股市有反彈, 一彈就升過千點, 誰知朋友回應一句:「今日升得一千, 聽日就跌返二千啦, 而家唔好買股票呀, 我都放股楂現金!」

其實, 身邊有不同意見的朋友實在不錯, 給你一點獨立思考的機會, 就好像巴菲特身邊的芒格, 巴菲特的任何重大決定都會跟芒格討論, 他們最擔心的反而是大家的思維太相似, 得不到不同思維的衝擊。如果你身邊都有很多不同思維的朋友, 這實在是了解市場散戶反應的最好渠道。

沒有留言:

張貼留言