2011年8月8日 星期一

一早聽收音機...好好笑

止凡星期六朝早起身就開收音機, 聽到一個財經節目, 有一個風煙節目可以給聽眾打電話給節目主持人, 向他問自己股票的未來方向如何, 其中一個嘉賓應該是石sir。


一名男聽眾買了很多和黃0013, 平均買入價是$91, 因為星期五港股跌了九百多點, 和黃剛出完業績, 被大行借勢話其業績不及市場預期 (其實我又覺得和黃的業績已經非常好), 加上美國星期五晚被評級機構調低評級, 和黃在星期五已經跌了超過8%, 現在他一手蟹貨, 唯有問主持人如何是好。

主持不停叫聽眾冷靜,不要亂賣掉手上的和黃, 等危機過後應該會有一個技術性反彈, 到時再沽出部份和黃, 話未說完, 這名聽眾立刻追問: 「幾時有技術性反彈呀?」
主持:「未有咁快, 相信要去到第四季。」
聽眾:「第四季咁耐呀, 邊個月呀?」
主持:「其實唔洗急, 呢d只係短期跌市...」
聽眾:「我好心急呀, 要去到邊個月先反彈呀?」
主持:「你急因為你手持太多和黃, 所以我成日叫人唔好買一隻股票買得太重。」
聽眾:「咁我可唔可以等佢反彈上去$88呀?」
主持:「短期內比很難上返$88。」
聽眾:「咁我可唔可以等佢彈上$86後先放少少, 到佢跌返落去$83再買返...」
主持:「拿, 其實呢類操作, 講就容易, 但真係操作起上黎係非常困難...」

聽到這裡, 其實覺得好好笑,為何這些聽眾會相信主持人可以預知未來呢? 認為主持人可以預測股市跌到何時, 一支股票何時跌, 何時升, 跌多少, 升多少...如果真是可以, 相信他不會坐在這裡回答你這些無聊問題。

我總覺得未有足夠投資理財知識, 不應該入市, 如果看不明白以上聽眾跟主持對答時所演化出來的投資知識不足問題,還是建議先投資自己的知識。

1 則留言:

  1. 人便是這樣, 買的時候信心爆棚, 不斷加注, 個市稍跌便受很大壓力, 因而高買低沽, 唉!

    回覆刪除